राजविराज – पूर्वमन्त्री प्रभु साह आज (बुधबार) सप्तरी आउँदै छ । सप्तरी सदरमुकाम राजविराजमा आज हुने ‘आई टी आर्मी’को जिल्ला स्तरीय भेलालाई सम्बोधन गर्न साह सप्तरी आउन लागेको हो । ।

प्रविधिको प्रयोग गरी समाजमा विद्यमान सबैखाले विकृतिको अन्त्य गर्न तथा समाजवादी व्यवस्था निर्माण गर्ने लक्ष्यका साथ गठन भएको ‘आई टी आर्मी’ले सप्तरीमा पहिलो पटक जिल्ला भेला गर्न लागेको हो ।

राजविराजको साह सेवा सदनमा आज युवाहरुमाझ पूर्वमन्त्री प्रभु साहले कार्यक्रमलाई सम्बोधन गर्ने कार्यक्रम रहेको छ । कार्यक्रममा आई.टी आर्मीका केन्द्रीय संयोजक चन्द्रभुषन साह र स्वतन्त्र युवाहरु उपस्थिती रहने आयोजक कमिटिका सदस्य इन्जिनियर अशोक कुमार साहले जानकारी दिए ।