नेपाली कांग्रेसका प्रमुख सचेतक बालकृष्ण खाणले प्रधानमन्त्री केपी शर्मा ओलीले संवैधानिक संकट निम्त्याउने काम गरेको आरोप लगाएका छन्।

कांग्रेसका पूर्वमहामन्त्री एवं पूर्वगृहमन्त्री खुमबहादुर खडकाको तेस्रो स्मृति दिवसको अवसरमा आयोजित ‘भर्चुअल’ कार्यक्रममा बोल्दै नेता खाणले ओली प्रधानमन्त्री भएदेखि नै संविधानमाथि खेलवाड गर्दै आएको बताए। अन्तत: संसद् विघटनजस्तो असंवैधानिक तथा अलोकतान्त्रिक काम गरेर जनताको हक अधिकार खोस्‍ने दुस्प्रयास गरेको उनले आरोप लगाए।

उनले स्वर्गीय पूर्वमहामन्त्री खड्कालाई एक अदम्य इच्छाशक्ति भएको व्यक्ति, युवा कालदेखि नै राजनीतिमा सङ्‍घर्षपूर्ण जीवनयापन गरेका नेताको रुपमा चित्रण गरे।