बर्दियामा हतियारसहित पक्राउ परेका तीन जनालाई मुद्दा चलाइएको छ ।

गत सोमबार बर्दिया राष्ट्रिय निकुञ्जको सुरक्षार्थ खटिएको प्रहरीको गस्ती टोलीले तीन थान भरुवा बन्दुक, त्यसमा लाग्ने १७ थान गोली र दुई सय ग्राम बारुदसहित उनीहरुलाई पक्राउ गरेको थियो ।पक्राउ परेका तीनै जनालाई बिहीबार अदालतमा बुझाइएको जिल्ला प्रहरी कार्यालयका प्रहरी निरीक्षक गोपाल पौडेलले जानकारी दिए ।

प्रहरीले गणेशबहादुर तिवारी र चक्रबहादुर विष्टलाई तत्काल नियन्त्रणमा लिएको थियो ।फरार रहेका सुर्खेत बराहताल गाउँपालिका–२, सिस्नेरीका ३६ वर्षीय रविलाल मन्दिरलाई प्रहरीले बिहीबार पक्राउ गरेको जनाएको छ ।