काठमाडौँ – रुपन्देहीमा १९ बर्षीया एक युवतीलाई बलात्कारपछि हत्या प्रयास गर्ने एक युवालाई प्रहरीले पक्राउ गरेको छ ।

चैत्र ७ गते बिहान तिलोत्तम नगरपालिका वडा ११ को हरियाली बनमा १९ बर्षीया युवतीलाई जवरजस्ती करणीपछि हत्याको प्रयास गरेका सोही ठाउँका २३ बर्षीय सुरेश थारुलाई पक्राउ गरि हिरासतमा लिईएको बुटवल ईलाका प्रहरी कार्यालयका प्रमुख डिएसपी प्रितमसिंह राठौरले जानकारी दिए। थारुले युवतीको घाँटीमा डोरीले कसेर हत्याको प्रयास गरेको प्रहरीको दाबी छ।

पीडित युवती र थारु चिनजानकै व्यक्ति भएको प्रहरीले जनाएको छ। पक्राउ परेका थारुबिरुद्ध जबरजस्ती करणी र ज्यान मार्ने उद्योगको मुद्धा दर्ता भई अनुसन्धान भईरहेको प्रहरीले जनाएको छ।