फिदिम – पाँचथरको कुम्मायक गाउँपालिकाको यासोकदेखि झापातर्फ गएको मे १ ज ४१६ नम्बरको जीप दुर्घटना हुँदा एकजनाको मृत्यु भएको छ ।

फाल्गुनन्द गाउँपालिका ५ सुलुम्फिमा दुर्घटना हुँदा इलाम फाकफोकथुम गाउँपालिका ७ का २२ वर्षीय पदमबहादुर लिम्बूको मृत्यु भएको जिल्ला प्रहरी कार्यालय पाँचथरका इनिस्पेक्टर डम्बर विश्वकर्माले जानकारी दिए । दुर्घटनामा परी गम्भीर घाइते लिम्बूको उपचारको क्रममा जिल्ला अस्पताल पाँचथर ल्याउने क्रममा मृत्यु भएको हो ।

अनियन्त्रित भइ जीप दुर्घटनामा परेको बताइएको छ । जीपमा सवार अन्य १३ जना यात्रुहरु सामान्य घाइते भएको प्रहरीले जनाएको छ।