सप्तरीको अग्निसाइर कृष्णसवरण नगरपालिका–५ स्थित एक गाई फर्मममा आगलागी भएको छ ।

अाज विहान अचानक भएको आगलागीमा १८ वटा गाई र २ वटा बाच्छा जलेर मरेको सप्तरी प्रहरीले जनाएको छ ।नोज शहाले सप्तरीको अग्निसाइर कृष्णसवरण नगरपालिका वडा न.-५ को महुली पुल नजिकै सञ्चालन गरेको कृष्णराम बहुउद्देश्यीय कृषि फर्मको गाई गोठमा ६० वटा गाई पालिएको मध्ये गाई र बाच्छा सहित २० वटा जलेर मरेको अवस्थामा फेला परेको हो ।एक्कासि भएको आगलागी गोठका कर्मचारीले देखेको र गाईको डोरी काट्दा समेत गाईहरू बाहिर नभागेर आगो बलेकै तिर भागेर पसेकाले निकै धेरै क्षति भएको जिल्ला प्रहरी कार्यालय सप्तरीका प्रमुख एसपी राजेन्द्र धमलाले जानकारी दिनुभयाे।

आगो बिहानै नियन्त्रणमा आएको र अहिले के-कति क्षति भयो भन्ने बारेमा क्षतिको मूल्याङ्कन गरिएकाे प्रहरीले जनाएको छ ।यता सप्तरीमा पछिल्लो समय आगलागीका घटना बढेको छ ।बिहीवार मात्र जिल्लाकाे तिलाठी कोइलाडी गाउँपालिका वडा न.–५ आगलागी हुदा झन्डै ७५ लाख बराबरको धनमाल जलेर नष्ट भएको थियो ।

यता आगलागीमा चार वटा घर जलेर खरानी बनेको थियो भने एक जना गम्भीर घाइते समेत भएका थिए ।