काठमाडौँ – नेकपा एमालेका नेता माधवकुमार नेपालले नेकपा रहेका साइबर स्यालहरु अझै ज्युँदै रहेको बताएका छन् । बुधवार राजधानीमा आयोजित राष्ट्रिय कार्यकर्ता भेलालाई सम्बोधन गर्दै नेता नेपालले साइबर स्यालहरुले फेक समाचार फैलाएर भेला स्थगित भएको हल्ला फैलाएको आरोप लगाएका हुन् ।

‘नेकपा हुँदा थियो भनेको त साइबर स्यालहरु अझै पनि जिँउदै रहेछन्,’ नेता नेपालले भने,’साइबर स्यालहरु अझै पनि बाँचिरहेका छन् ।’नेता नेपाल कम्युनिष्ट आन्दोलनलाई नयाँ उचाईमा पुर्याउनका लागि राष्ट्रिय कार्यकर्ता भेला आयोजना गरिएको बताए । उनले आफूहरूको लडाइँ पदका लागि नभएको पनि दाबी गरेका छन्। अहिलेको लडाई पदको लागि नभएको दाबी गर्दै नेता नेपालले यो लडाई सिद्धान्त र निष्ठाको लडाई भएको बताए ।ओलीले अध्यक्ष भएपछि गुटको काम जारी राखेको भन्दै आफुहरुले बैठक राख्न समेत निवेदन दिनुपर्ने अवस्था सिर्जना गरेको नेपालले बताए ।

उनले भने, ‘तपाइँहरु पनि पिडित हामी अनि पिडत, आज पिडित पिडित एक ठाउमा भेला भएका छौं ।’