बैंकिङ कसुर मुद्दाका फरार प्रतिवादीलाई जिल्ला प्रहरी कार्यालय रामेछापले मंगलवार पक्राउ गरेको छ ।

पक्राउ पर्नेमा दोरम्बा गाउँपालिका–३ बस्ने ५२ वर्षीय रामहरी कडेल रहेका जिल्ला प्रहरी कार्यालय रामेछापका प्रमुख प्रहरी नायव उपरीक्षक नवराज ढुंगानाले बताए । उच्च अदालत पाटनले उनीविरुद्ध २०७६ पुस १४ गते बैंकिङ कसुर मुद्दामा ७ दिन कैद र २ लाख रुपैयाँ जरिवाना हुने फैसला सुनाएको थियो ।

अदालतको फैसलापछि फरार रहेका कडेललाई भक्तपुरको ठिमी क्षेत्रमा लुकिछिपी बसेको अवस्थामा जिल्ला प्रहरी कार्यालय रामेछापको टोलीले पक्राउ गरी जिल्ला अदालत रामेछापमा बुझाएकोे छ ।