प्रधानमन्त्री केपी ओलीले देशको विकासलाई कोरोना संक्रमणको असरले पनि रोक्न नसकेको बताएका छन् ।

शनिबार अखिल नेपाल महिला संघ केन्द्रीय कमिटीले आयोजना गरेको १११औं अन्तर्राष्ट्रिय श्रमिक महिला दिवसलाई सम्बोधन गर्दै उनले यस्तो बताएका हुन् ।’हामीले थुप्रै काम गरेका छौँ र हाम्रो विकासको कामलाई कोभिडले पनि रोक्न सकेन । विरोधीको अहसयोगले रोक्न सकेन । खुट्टा तान्ने, धेराबन्दी गर्ने, व्यवधान गर्नेहरूले हाम्रो विकासको गतिलाई रोक्न सक्नेनन्’ उनले भने ।उनले कतिपय देशमा अहिलेसम्म कोरोनाविरुद्धको खोप सुरु नभएको तर नेपालमा दोस्रो चरणको खोप अभियान सुरु भएको सुनाए । देश विकासको बाटोमा अगाडि बढिरहेको बताउँदै उनले सरकार जनताप्रति बफादार रहेको पनि बताए ।

देशलाई अस्थितरतातर्फ धकेल्ने र विकासका क्रमलाई अघि बढ्न दिने नदिने कार्य भएको भन्दै उनले त्यस्ता अवरोधलाई प्रवाह नगरी विकासको क्रम फेरि पनि लगातार अगाडि बढिरहेको बताए ।