सत्तापक्षीय दल नेपाल कम्युनिष्ट पार्टी(नेकपा)मा १२० जना भन्दा बढी संसद पुग्ने अध्यक्ष एवं प्रधानमन्त्री केपी शर्मा ओलीले बताएका छन् ।

हिजो ओलीपक्षीय नेपाल कम्युनिष्ट पार्टीको संसदीय दल बैठक बालुवाटारमा बस्दा बैंठकमा ११५ जना संघीय सांसद उपस्थित भएको दाबी राष्ट्रिय सभाका प्रमुख सचेतक खिमलाल भट्टराईले गरे। भट्टराईका अनुसार ९१ जना प्रतिनिधिसभाका र २४ जना राष्ट्रिय सभाका सदस्यले बैठकमा उपस्थिति जनाएका हुन् । प्रधानमन्त्री ओलीले पनि सम्बोधनका क्रममा यसको जानकारी गराएको उनले बताए । प्रधानमन्त्रीले सम्बोधन गर्ने क्रममा आज ११५ भयो, अब २०-३० हुँदै यो संख्या बढेर जान्छ भन्नुभयोे, उत्साहजनक किसिमले अगाडि बढ्न निर्देशन प्रधानमन्त्रीले दिए’ उनले भने ।

भट्टराईले संसदीय दलको बैठकबाट पार्टीमा उत्साह छाएको दाबी गरे । आफूहरु विभाजनको पक्षमा नरहेको पनि स्पष्ट पारे । बैठकमा संसदीय दलका नेता एवम् प्रधानमन्त्री केपी शर्मा ओलीले संसदको गतिविधिमा सक्रियतापूर्वक केन्द्रित हुन सांसदहरूलाई निर्देशन दिएका थिए।