
विप्लव नेतृत्वको नेकपामाथिको प्रतिवन्ध फुकुवासँगै नेता कार्यकर्ताहरु रिहा भइरहेका छन् ।
आज मात्रै सो समूहमा तेस्रो वरियतामा रहेका नेता धर्मेन्द्र बास्तोला रिहा भएका छन् । उनलाई काभ्रे प्रहरीले रिहा गरेको हो । जिल्ला प्रशासन कार्यालय काभ्रेको समन्वयमा काभ्रे प्रहरीको हिरासतमा रहेका नेता बास्तोला रिहा भएको प्रहरीले जनाएको छ ।
गृहमन्त्रालयले हिरासतमा रहेका विप्लव समूहका नेता कार्यकर्ताहरुलाई रिहा गर्न सर्कुलर गरेसँगै धरानमा प्रहरी हिरासतमा रहेका भेषराज भुसाललाई पनि रिहा गर्ने तयारी भइरहेको छ।