रामेछापको मन्थली नगरपालिकास्थित मच्छेडाँडीमा यात्रुवाहक बस दुर्घटना हुँदा १८ जना घाइते भएका छन् ।

शुक्रवार बिहान सालुबाट मन्थलीतर्फ जाँदै गरेको बा५ख २८५७ नम्बरको यात्रुबाहक बस दुर्घटना भएको जिल्ला प्रहरी कार्यालय रामेछापका प्रवक्ता श्रीशंकर श्रेष्ठले लोकान्तरलाई जानकारी दिए । प्रवक्ता श्रेष्ठका अनुसार मन्थलीमा रास्ट्रपति रनिङ शिल्ड प्रतियोगितामा सहभागी हुन सेतिदेवी मावि विद्यार्थी र स्काउटको टोली चढेको गाडि दुर्घटना भएको हो ।

गाडीमा सवार ५३ जनामध्ये १८ जना घाइते भएको उनले बताए । उनले भने,‘घाइते १८ जनामध्ये २ जना गम्भीर घाइते भएका थिए, परीक्षणका क्रममा अहिले उनीहरूको रिपोर्ट नर्मल आइसकेको छ ।’