मुगु- कर्णाली प्रदेश सरकारले प्रदेशका १० वटै जिल्लाका सञ्चार गृहलाई १-१ लाख रुपैयाँ सहयोग गर्ने प्रदेश सरकारले जनाएको छ ।
मंगलवार नेपाल पत्रकार महासंघ शाखा कार्यालय सुर्खेतको २५ औं साधारणसभामा कर्णाली प्रदेशका आन्तरिक मामिला तथा कानुनमन्त्री नरेश भण्डारीले यस्तो घोषणा गरेका हुन् ।

विश्व महामारीको रुपमा फैलिरहेको नोवेल कोरोना भाइरस कोभिड–१९ का कारण यहाँका मिडियाहरू संकटमा परेको अवस्थालाई मनन् गर्दै मन्त्री भण्डारीले कर्णाली प्रदेश भित्रका सबै स्थानीय एफएम रेडियो, केवल टेलिभिजन र सिनेमा हललगायत मिडिया हाउसलाइ १ लाख रुपैयाँ अनुदान दिने मन्त्री भण्डारीले जानकारी दिए ।उनले भने नेपाली जनताको आँसु, रगत र पसिनाबाट लेखिएका संविधानका हरफहरू मेटिने हुन कि भन्ने आशंका उब्जिएको भन्दै सबैले संविधानको रक्षा गर्ने बेला आएको बताए ।

साधारणसभामा जिल्लाका पत्रकारलाई विभिन्न विधामा सम्मान गरिएको थियो ।