काभ्रेको पनौती नगरपालिकामा बृहत माटो परीक्षण शिविर सञ्चालन भएको छ ।

माटोको अवस्था पत्ता लगाई माटो बिग्रिन नदिनुका साथै उत्पादकत्वमा बढाउन परिक्षण सुरु गरिएको जिल्लाको कृषि तथा पशुपक्षी शाखाका प्रमुख मणिप्रसाद सापकोटाले जानकारी दिनुभयो ।दुई दिनसम्म चल्ले शिविरमा माटो तथा मल परीक्षण प्रयोगशाला बागमती प्रदेश हेटौंडाको प्राविधिक सहयोगमा गरिनेछ ।

माटो सम्बन्धी मुख्य विषय स्थलगत रुपमै जाँच गर्न सक्ने उपकरण सहितको प्रयोगशाला (भ्यान) मार्फत कृषकले ४ घण्टामा नै जमिनको अवस्थाबारे जानकारी प्राप्त गर्न सक्ने माटो तथा मल परिक्षण प्रयोगशाला बागमती प्रदेश प्रमुख डा. जनार्दन खड्काले बताउनुभयो ।