प्रचण्ड–नेपाल नेतृत्वको नेकपाकी नेतृ रामकुमारी झाँक्रीले आज शुक्रबार काठमाडौंमा आयोजित आफ्नो समूहको सभामा प्रधानमन्त्री केपी शर्मा ओलीले गरेको भाषणविरुद्ध कटाक्ष गरेकी छन्।

प्रधानमन्त्री ओलीले जनताभन्दा ठूलो न्यायालय हुँदैन भनेर बोलेको भन्दै नेतृ झाँक्रीले अबदेखि सेटिङको धाक पनि सकिएको व्यंग्य गरेकी हुन्।‘श्रीमान ! जनताभन्दा ठूलो न्यायालय हुदैन रेन्त,’ शुक्रबार साँझ झाँक्रीले सामाजिक सञ्जालमा लेखेकी छन्, ‘सेटिङको धाक पनि सकिएछ क्यार विचरा !’

उनले अगाडि लेखेकी छन्, ‘आमसभा हेर्न गएको हामी, कोण सभा पो रहेछ भन्छन् त भाइबहिनीहरू।’