सप्तरीको तिरहुत गाउँपालिका वडा नम्बर २ मैनाकडेरीमा एक महिलाकाे हत्या गरिएको आरोपमा प्रहरीले तीन जनालाई पक्राउ गरेका छन ।आफ्नै देउरानि संग अनैतिक सम्बन्ध रहेकाेले गत असोज १० गते एक महिलाको हत्या आरोपमा प्रहरीले तीन जनालाई पक्राउ गरेको हाे ।

मैनाकडेरी बस्ने शिक्षक शिवनारायण यादवकी श्रीमती ५० वर्षीया दाइमन देवी यादवको हत्या भएको थियो ।पक्राउ पर्नेमा जिल्लाकाे तिरहुत गाउँपालिका वडा न.२ का २१ वर्षीय अजयकुमार यादव, ५२ वर्षीय राधे भनिने ओमप्रकाश यादव र कञ्चनरुप नगरपालिका वडा न.११ ठेलियाका ५५ वर्षीय बमबहादुर साह रहेको प्रदेश प्रहरी कार्यालय, जनकपुरधामले एक विज्ञप्ति प्रकाशन गरि जनाएको छ ।

यी तीन जनामध्ये साहले दाइमन देवीलाई भुइँमा लडाएर डोरीले घाँटीमा कसी हत्या गरेको खुल्न आएको प्रदेश प्रहरीले जनाएको छ । साे घटनामा ‘अन्य दुइ जना ओमप्रकाश र अजयले बाहिर कोही आउँदैछ कि भनेर पहरा दिएको तथा उनीहरुले गरेको अपराध स्वीकार गरेकाे प्रहरीले दावि गरेका छन् ।
यसेबिच प्रदेश प्रहरीका अनुसार मृतक महिला दाइमन देवी यादवकी देउरानीसँग प्रतिवादी ओमप्रकाश यादवको अनैतिक सम्बन्ध रहेको र सो कुरा दाइमन देवीले थाहा पाउँदा ओमप्रकशले रिसइबी साँधेर उनको हत्याको योजना बनाएको खुल्न आएको छ ।

त्यसेगरि अर्का प्रतिवादी अजय यादव र मृतकबीच जग्गा विवाद देखिएको छ । मृतकको २ बिघा जग्गा अजय यादवको बुबाले २०४७ सालदेखि जोतभोग गर्दै आएकोमा विवादका कारण बाली नबुझाएको देखिएको प्रहरीले जनाएको छ ।प्रतिवादी बमबादुर साह विगतमा मधेश मुक्ति टाइगर्स भन्ने सशस्त्र समूहमा संलग्न रही शिक्षक रामनारायण साहको हत्या गरेको अभियोगमा ८ वर्ष जेल सजाय भुक्तान गरी २ वर्षअघि छुटेका थिए ।यता साहलाई ओमप्रकाश यादव र अजय यादवले हत्यामा संलग्न रहेकाे प्रहरीले जनाएको छ ।

यसै बिच साे घटनाकाे सम्बन्धमा थप अावश्यक अनुसन्धान कार्य भइरहेको प्रदेश प्रहरी कार्यालय प्रदेश न.२ जनकपुरले जनाएको छ ।