सिन्धुपाल्चोक : थुम्पाखरमा भएको बस दुर्घटनामा १९ जना घाइतेको पहिचान खुलेको छ। दोलखाको सिंगटीबाट काठमाडौ जाँदै गरेको रोल्वालिङ यातायातको यात्रुबाहक बस सुनकोशी गाउँपालिकास्थित ११ किलोमा दुर्घटना भएको थियो।

लामोसाँघु जिरी सडक खण्डमा बा २ ख २७८९ नम्बरको बस दुर्घटना भएको हो।घाइतेमध्ये बलेफी गाँउपालिका ७ का वर्ष ३७ का सीताराम थापाको अवस्था गम्भीर रहेकोले उनलाई थप उपचारको लागि काठमाडौं पठाउने तयारी भइरहेको जिल्ला प्रहरी कार्यालयका प्रहरी नायव उपरिक्षक प्रकाश सापकोटाले जानकारी दिए। उनको ढाडमा चोट लागेको सिन्धु सदावहार अस्पतालले जनाएको छ । बाँकी १८ जनाको भने खाडीचौरस्थित सिन्धु सदाबहार अस्पतालमा उपचार भइरहेको उनले बताए।

तीव्र गतिमा आएको बस सडक छेउमा पल्टिएको हो। बसका चालक भने फरार छन्।