सप्तरी – नेपाल प्रहरीको “४२औं पर्यटक प्रहरी दिवस, २०७७”सम्पन्न भएको छ। सोमबार नेपाल पर्यटन बोर्ड भृकुटीमण्डपमा आयोजित एक समारोहबीच पर्यटक प्रहरी दिवस सम्पन्न भएको हो।

समारोहमा प्रमुख अतिथी प्रहरी महानिरीक्षक शैलेश थापा क्षेत्रीले पर्यटक प्रहरीलाई व्यवसायिक रुपमा सहयोग गर्नुहुने विभिन्न संघ संस्था तथा पर्यटन व्यवसायी तथा उत्कृष्ट प्रहरी अधिकृतहरुलाई सम्मानपत्र प्रदान गरेका छन। उक्त अवसरमा प्रहरी महानिरीक्षक थापा क्षेत्रीले पर्यटकप्रति सबैको समान दृष्टिकोण र सद्व्यवहार हुनुपर्ने उल्लेख गरे।

कार्यक्रममा प्रहरी अतिरिक्त महानिरीक्षकहरु, अध्यागमन विभागका महानिर्देशक, वरिष्ठ प्रहरी अधिकृतहरु लगायत पर्यटन क्षेत्रसँग सम्बन्धित व्यक्तित्वहरुको उपस्थिति रहेको थियो।