सप्तरी – लमही नगरपालिका वडा नम्बर ५ मा रहेको अजम्मरी सामुदायिक वन उपभोक्ता समूहको वन क्षेत्रमा एक जना पुरुष व्यक्तिको शव फेला परेको छ।
नुवाकोट घर भएका २८ वर्षीय रमेश तामाङ लामाको शव झुण्डिएको अवस्थामा फेला परेको वडा प्रहरी कार्यालय लमहीले जनाएको छ।उनी धनुषा जिल्लाको सशस्त्र प्रहरी बलबाट सरुवा भएर सशस्त्र प्रहरी बल ४१ नम्बर गण हेड क्वाटर अर्जुनखोला आएको बुझिएको छ।

तर, हाजिर नहुँदै उनको शव झुण्डिएको अवस्थामा फेला परेको स्रोतले जनाएको छ। एक रात लमहीको होटलमा बास बसेको खुलेको जनाइएको छ ।झुण्डिएर आत्महत्या गरेको बारेमा कारण भने खुलेको छैन। सशस्त्र प्रहरीमा उनी परिचर पदमा कार्यरत भएको बुझिएको छ ।