सप्तरी – एक महिलाको शरिरमा दुईवटा पाठेघर भएको पाइएको छ । चितवनको मौलाकालिका अस्पतालमा त्यस्तो केस भेटिएको हो ।

गर्भमा बच्चा नबसेको भन्दै आएकी एक महिलाको शरिरमा दुईवटा पाठेघर भेटिएको डा रमेश घिमिरेले लोकपथलाई जानकारी दिए । ती महिलाको शरिरमा भएको दुई वटा पाठेघर ‘४डी’ टेक्नोलोजीमार्फत पत्ता लागेको उनले बताए । त्यस्ता केसहरु आइरहने पनि उनले बताएका छन् । “प्राय यस्ता केसहरु आइरहेका हुन्छन् । तर त्यसको पहिचान ४डी प्रविधिबाट मात्रै पहिचान गर्न सकिन्छ ।” उनले भने ।

साथै ४ डी प्रविधि राख्नका लागि बढी खर्च हुने भएकाले धेरै अस्पतालहरुमा त्यसको पहुँच नभएको उनको भनाइ छ । नेपालका सिमित अस्पतालहरुमा मात्रै यस्तो प्रविधि भएको र चितवनमा भने मौलाकालिका अस्पतालले नै पहिलो पटक उक्त प्रविधि भित्र्याएको दाबी गरे ।