सप्तरी – नेपाल इन्भेष्टमेन्ट बैकले सञ्चालक समितिको निर्वाचन कार्यतालिका सार्वजनिक गरेको छ । बैंकको ३४ औँ साधारण सभा माघ ८ गते हुँदै छ । सोही सभाबाट बैंकले सर्वसाधारण समूहका शेयर धनीहरूको प्रतिनिधित्व गर्ने २ जना सञ्चालकको निर्वाचन गर्न लागेको हो ।

चुनावको कार्यतालिका अनुसार मतदाता नामावली प्रकाशन पुस २८ गते हुने छ । त्यस्तै मतदाता नामावली उपर दावी विरोध पुस २९ गते र अन्तिम मतदाता नामावली प्रकाशन माघ ३ गते हुने छ । साथै उम्मेदवार मनोनयन पत्र दर्ता माघ ४ राखिएको छ । भने उम्मेदवार प्रथम नामावली प्रकाशन माघ ४ गते दिउसो १ बजे हुने बैंकले जनाएको छ ।

यस्तै उम्मेदवारको नाम उपर दावी विरोध उजुरी माघ ४ गते दिउसो २ बजेदेखि ३ बजेसम्म, उम्मेदवारको नाम फिर्ता लिने माघ ४ अपरान्ह ४ बजेदेखि ५ बजेसम्म, उम्मेदवारको अन्तिम नामावली प्रकाशन माघ ४ गते साँझ ६ बजे र मतपत्र वितरण तथा मतदान माघ ८ गते हुने बैंकले जनाएको छ ।