विराटनगर -सुनसरीको बराहक्षेत्र नगरपालिकामा खोलाले टेम्पो बगाउँदा एकजनाको मृत्यु भएको छ । बराहक्षेत्र वडा नं १ स्थित बाघ खोलाले गएराति टेम्पो बगाउँदा अटोमा सवार यात्री चतरा बस्ने कल्पन राईकी छोरी १७ वर्षीया स्टिफिना राई मृत्यु भएको प्रहरीले जनाएको छ ।

इलाका प्रहरी कार्यालय महेन्द्रनगरले दिएको जानकारीअनुसार चतराबाट धरान गइरहे को २ ह ८९८५ नम्बरको अटोलाई बाघखोलाले बगाएको थियो ।

तीनजना यात्रुमध्ये एकजनालाई खोलाले बगाएको थियो । राईको शव खोलाको ६ सय मिटर तल फेला परेको थियो । घाइते रसुवा जिल्ला गोसाइँकुण्ड गाउँपालिका बस्ने आनिया तामाङ र टेम्पोचालक धरान १७ बस्ने वर्ष २२ को राजु राई सकुशल रहेको प्रहरीले जनाएको छ ।