काठमाडौं- नेपाल राष्ट्र बैंकमा ४ बुँदे माग पेश गरेका छन् । लगानीकर्ताका संगठन नेपाल इन्भेस्टर्स फोरम र सेयर लगानीकर्ता संघको नेतृत्वमा गएको टोली राष्ट्र बैंकका गभर्नर महाप्रसाद अधिकारीसमक्ष ४ बुँदे माग पेश गरेका हुन् ।

निरन्तर घटिरहेको शेयर बजारले मर्माहित र दुःखी बनाएको भन्दै नेपाल इन्भेष्टर्स फोरम र सेयर लगानीकर्ता संघले तत्काल सम्बोधन गर्न आग्रह गर्दै मागपत्र पेश गरेका हुन् । लगानीकर्ताहरुले शेयर कर्जामा केन्द्रीय बैंकले तोकेको ४ करोड रुपैयाँ र १२ करोड रुपैयाँको सीमा फिर्ता लिन आग्रह गरेका छन् । आगामी साउन १ गतेदेखि शेयर कर्जामा लगाउने भनिएको १५० प्रतिशतको जोखिम भारित औसतलाई १०० प्रतिशत नै कायम गर्न पनि लगानीकर्ताहरुले माग गरेका छन् ।

मर्जर र प्राप्तिले शेयर कारोबार रोकिँदा आमलगानीकर्ताको चल–अचल सम्पत्ति बन्धक भई नोक्सानी र राज्यले पाउने राजस्वमा समेत नकारात्मक असर परिरहेकोले उक्त कार्य हाल बैंक तथा वित्तीय संस्थाले वार्षिक साधारणसभाका लागि दाखिला खारेज गर्ने व्यवस्था गरेजस्तै गरी केही सीमित अवधिका लागिमात्रै कारोबार रोक्का रहने व्यवस्था गर्न पनि लगानीकर्ताहरुले माग गरेका छन्।