जुम्लाको तिला गाउँपालिका–२ डुडेलीमा सुख्खा पहिरो आउँदा पुरिएर दुई बालकको मृत्यु भएको छ । उनीहरूको रणबहादुर बोहराको घरको जग उठाउँदै गरेको अवस्थामा बुधबार माथिबाट सुख्खा पहिरो आउँदा पुरिएर मृत्यु भएको हो ।

पहिरोमा पुरिएर उक्त स्थानमा खेलिरहेका बोहराका तीन वर्षीय छोरा शिशिर र सोही ठाउँ बस्ने दलबहादुर रावतका तीन वर्षीय छोरा हिमेश रावतको मृत्यु भएको प्रहरीले जनाएको छ ।

पहिरोमा दुई बालक पुरिएको भन्ने खबर प्राप्त हुनासाथ प्रहरी चौकी रारालिहि र जिल्ला प्रहरी कार्यालय जुम्लाबाट खटिएको प्रहरीले उद्धारका क्रममा उनीहरूको शव फेला पारेको हो ।