पूर्वी पहाडी जिल्ला संखुवासभामा माछा पोखरीमा डुवेर बालकको मृत्यु भएको छ ।

संखुवासभाको मादी मुलखर्क नगरपालिका वडा नम्वर ३ का टिकाराम बिश्वकर्माको ६ बर्षीय छोरा प्रबिन बिश्वकर्माको माछा पोखरीमा डुबेर मृत्यु भएको संखुवासभा प्रहरीले जनाएको छ ।

मंगलवार अपरान्ह ४ बजेको समयमा घर नजिकै रहेको छिमेकीको माछा पोखरीमा डुबि रहेको अवस्थामा बालकको आमाले देखि तत्काल उद्धार गरी मादीमा रहेको स्थानीय क्लिनीकमा लगेकोमा बालकको उपचारको क्रममा मृत्यु भएको जानकारी इलाका प्रहरी कार्यालय चैनपुरमा गराईएको थियो । घटनाका बिषयमा थप अनुसन्धान भई रहेको जिल्ला प्रहरी कार्यालय संखुवासभाले जनाएको छ ।