काठमाडौं– सशस्त्र प्रहरी बल नेपालका अतिरिक्त महानिरीक्षक (एआईजी)मा पदोन्नति भएका राजु अर्याललाई दर्ज्यानी चिह्न प्रदान गरिएको छ।

सशस्त्र प्रहरी महानिरीक्षक पुष्पराम केसीले उनलाई दर्ज्यानी चिन्ह प्रदान गरेका हुन्। मंगलबार बसेको मन्त्रिपरिषद्को बैठकले अर्याललाई एआईजीमा बढुवा गर्ने निर्णय गरेको थियो।

बुधबार सशस्त्र प्रहरी बल नेपाल प्रधान कार्यालय हलचोकमा आयोजित कार्यक्रममा अर्याललाई दर्ज्यानी चिन्ह प्रदान गरिएको हो। आईजीपी केसीले एआईजी अर्याललाई बधाई कार्यकाल सफलताको शुभकामना दिए।

२०५४ साल चैत १८ गते नेपाल प्रहरीको प्रहरी निरीक्षक पदबाट सेवा प्रवेश गरेका अर्याल २०५८ सालमा सशस्त्र प्रहरी बल नेपालमा स्थानान्तरण भएका थिए।

सशस्त्रका आईजी केसी र अर्का एआईजी रामशरण पौडेलले वैशाख १८ गते अनिवार्य अवकास पाउँदैछन्। त्यसपछि अर्यालले वैशाख १९ गतेदेखि सशस्त्र प्रहरी बल नेपालको कमान्ड सम्हाल्ने छन्।