भक्तपुरको मध्यपुरथिमि नगरपालिका–५ कमेरोटारमा गएराति भीषण आगलागी भएको छ।

स्थानीय राजन प्रजापतिको ग्रिनवेयर स्यानिटरी गोदाममा भएको आगलागीमा मानवीय क्षति नभए पनि करोडौँको सामान जलेर नष्ट भएको प्रहरीले जनाएको छ।

मध्यराति सुरु भएको आगलागी जुद्ध बारुणयन्त्र भक्तपुर, नेपाली सेना, सशस्त्र प्रहरी र नेपाल प्रहरीको टोलीले आज बिहान मात्रै नियन्त्रणमा लिएको महानगरीय प्रहरी वृत्त थिमिका प्रहरी नायब उपरीक्षक हरिनन्दन चौधरीले जानकारी दिए।

गोदामभित्र रहेको अधिकांश केमिकल, मेसिनरी सामान जलेर नष्ट भएको छ। प्रारम्भिक अनुसन्धनमा आगलागीबाट करिब छ करोड रुपैयाँ बराबरको क्षति भएको चौधरीले बताए।