काठमाडौं – काठमाडौंको जडिबुटीस्थित नरेफाँटबाट प्रहरीले ठुलो परिमाणमा लागु औषध क्याप्सुलसहित एकजना युवकलाई पक्राउ गरेको छ । पक्राउ पर्नेमा मकवानपुरको हेटौंडा उप–महानगरपालिका–१६ घर भएर नरेफाँट बस्दै आएका २६ वर्षीय कविर लामा भन्ने उदय थिङ छन् ।

उदय थिङले सञ्चालन गरेको ‘डा. हेल्थ केयर कम्पनी’ बाट ५२ हजार ५ सय क्याप्सुल लागुऔषध बरामद गरिएको महानगरीय अपराध महाशाखाका एसपी कृष्ण कोइरालाले रातोपाटीलाई बताए । हेल्थ केयर कम्प्नीको आवरणमा लुकाएर बेच्दै आएको ४२ हजार ५ सय थान ट्रामाडोल हाइड्रोक्लोराइड क्याप्सुल र १० हजार थान ट्रामाडेक्स हाइड्रोक्लोराइड क्याप्सुल महाशाखाबाट खटिएको प्रहरीले बरामद गरेको छ ।

आईतबार पक्राउ गरेर उनलाई थप अनुसन्धान र कानुनी कारवाहीका लागी औषधी व्यवस्था विभागमा पठाएको एसपी कोइरालाले बताए ।