ताप्लेजुङ – पाथीभरा दर्शन गर्न आएका एक जना व्यक्तिको पाथीभरा परिसरमा लडेर ज्यान गएकाे छ । सुनसरीको इटहरी नगरपालिका–८ का खिनबहादुर ढुङ्गानाको लडेर हिजाे ज्यान गएकाे हाे ।

जिल्ला प्रहरी कार्यालयका प्रहरी प्रवक्ता प्रहरी निरीक्षक कैलाशकुमार अधिकारीका अनुसार ६० वर्षीय ढुङ्गाना मन्दिर परिक्रमा गर्ने क्रममा लड्नु भएकाे थियाे।

प्राथमिक उपचार केन्द्र माथिल्लो फेदीबाट गएका स्वास्थ्यकर्मी उमानाथ पौडेलका अनुसार ढुङ्गानालाई प्रारम्भिक उपचार गरी थप उपचारका लागि जिल्ला अस्पताल ताप्लेजुङ पुर्याउँदा चिकित्सकले मृत घोषित गरेका थिए । उहाँको शव शवगृहमा राखिएको छ ।

३ हजार ७ सय ९४ मिटर उचाइमा रहेको पाथीभरामा उकालो जानेक्रममा उहाँलाई लेक लागेको हुनसक्ने चिकित्सकको अनुमान छ । ढुङ्गाना परिवारसहित पाथीभराकाे दर्शनमा आउनु भएकाे थियाे।