काठमाडौं – सोल्टी होटलले चालु आर्थिक वर्षको दोस्रो त्रैमासको वित्तिय विवरण बल्ल सार्वजनिक गरेको छ ।

वित्तिय विवरण अनुसार होटलले चालु आर्थिक वर्षको ६ महिनामा ४ करोड ९० लाख रुपैयाँ नाफा कमाएको छ । गत वर्ष होटल ११ करोड ५१ लाख रुपैयाँ नोक्सानमा रहेको थियो ।

यस्तै, दोस्रो त्रैमाससम्म होटलले आम्दानी भने १६३.६९ प्रतिशतले बढाएर ४४ करोड ७८ लाख रुपैयाँ पुर्याएको छ । गत वर्ष यसको जम्मा आम्दानी १६ करोड ९८ लाख रुपैयाँ रहेको थियो ।

यस्तै, होटलले पुससम्ममा ५ करोड २४ लाख रुपैयाँ सञ्चालन नाफा गरेको छ । गत वर्ष कम्पनी ११ करोड ४९ लाख रुपैयाँ सञ्चालन नोक्सानमा रहेको थियो । हाल यसको चुक्ता पुँजी ८४ करोड २५ लाख ७९ हजार रुपैयाँ रहेको सोल्टीको रिजर्भ कोषमा ६३ करोड ८६ लाख रुपैयाँ छ । प्रतिशेयर आम्दानी ५८ पैसा रहेको यसको प्रतिशेयर नेटवर्थ भने १७ रुपैयाँ ७८ पैसा छ ।