काठमाडौं – पश्चिमी युक्रेनस्थित एक सैन्‍य तालिम केन्द्रमा क्षेप्यास्त्र हमला भएको छ ।

युक्रेनले पोल्याण्डसँग सीमाना जोडिएको याभोरिभ शहरमा अवस्थित सैन्य तालिम केन्द्रमा आठ वटा क्षेप्यास्त्र प्रहार गरेको बताएको हो ।

युक्रेनी अधिकारीका अनुसार अन्तर्राष्ट्रिय शान्ति स्थापना तथा सुरक्षा केन्द्रमा रुसले क्षेप्यास्त्र प्रहार गरेको हो ।

लभिभ शहरमा रहेको क्षेत्रीय सैनिक प्रशासनले जारी गरेको विज्ञप्तिमा रुसले क्षेप्यास्त्र हमला गरेको र त्यसबाट भएको क्षतिको विवरण पछि उपलब्ध गराइने उल्लेख छ ।

‘अतिक्रमणकारीहरूले इन्टरनेशनल सेन्टर फर पिसकिपिङ एण्ड सेक्युरिटीमाथि हवाई हमला गरेका छन्’, विज्ञप्तिमा भनिएको छ, ‘प्रारम्भिक विवरण अनुसार उनीहरूले आठ वटा क्षेप्यास्त्र प्रहार गरेका छन् ।’