सप्तरी – दुई वर्षीय छोरालाई पिठ्युँमा बोकेर रिक्सा चलाएको फोटो गत साउनमा सामाजिक सञ्जालमा आएपछि भाइरल भएका अर्जुन बिक जबरजस्ती करणी, अपहरण र शरीर बन्धकको अभियोगमा पक्राउ परेका छन् । १३ वर्षमा बिहे गरेर १५ वर्षमा छोरा जन्माएकी श्रीमती पोइला गएको भन्दै झूटो बोलेर युट्युबमार्फत चर्चामा आएपछि बिकले आधा दर्जनभन्दा बढी म्युजिक भिडियोमा खेल्ने मौका पाएका थिए ।

जिल्ला प्रहरी कार्यालय कैलालीका अनुसार अदालतले पक्राउ पुर्जी जारी गरेपछि गत बिहीबार उनलाई काठमाडौंबाट पक्राउ गरेर कैलाली लगिएको हो । कान्तिपुरमा खबर छ ।