सप्तरी – सप्तरीको कन्चनरुप नगरपालिका वडा न. १२ स्थित लोकमार्गमा आज म्याजिक र फुलडाला ट्रक एक आपसमा ठोकिँदा चार जना घाइते भएका छ्न ।

पुर्व बाट पश्चिम तर्फ जाँदै गरेको को १ ज ३०७३ नम्बरको म्याजिक र पश्चिम बाट पुर्व तर्फ आउदै गरेको ना ५ ख २५१३ नम्बरको फुलडाला ट्रक एक आपसमा ठोकिँदा चालक सहित ४ जना घाइते भएका हुन ।घाइते हुनेहरुमा उदयपुरकाे बेलका नपा ५ रामपुर निवासी म्याजिकका चालक १९ बषिृय हरिबहादुर सार्की , सोही नगरपालिका वडा न. ४ रामपुरका १३ बर्षिय अबिशेक पौडेल , कन्चनरुप १२ रुपनगरकी ३५ बर्सिय संचिता ( राधा ) आचार्य र कन्चनरुप नगरपालिका वडा न.११ का ५२ बर्षिय मैकर चौधरी रहेका छ्न ।

उनिहरुको स्थानीय धर्मेश्वर हस्पिटल मा उपचार गराइ थप उपचारका लागि बिराटनगर लागिको छ ।यता ट्रक र म्याजिक्लाइ नियन्त्रणमा लिइ ईलाका प्रहरी कार्यालय कंचनपुर मा राखिएको प्रहरिले जनाएको छ ।