मोरङ – राष्ट्रिय सभा निर्वाचन अन्तर्गत प्रदेश १ को महिलातर्फ जयन्ती राई निर्वाचित भएकी छिन्।
बुधबार भएको निर्वाचनपछि गरिएको गणनाका क्रममा नेकपा एकीकृत समाजवादीकी राईले ४६३२ मतभार हासिल गरेकी छिन्।

उनको प्रतिद्धन्दी एमालेकी सुमित्रा भण्डारीले ४३६२ मतभार हासिल गरेकी छिन्।
सुमित्रालाई प्रदेश सांसदतर्फ ३८ र स्थानीयतर्फ १ सय ४१ जनाको मत परेको छ।
त्यसैगरी राप्रपाकी रञ्जु विष्टले १२० मतभार रहेको छ।

यद्धपि निर्वाचन कार्यालयले यसको औपचारिक घोषणा गर्न बाँकी नै रहेको छ।
त्यसैगरी हाल खुला पुरुष र अल्पसंख्यक वा अपांगतर्फका मतगणना जारी रहेको निर्वाचन कार्यालयका प्रमुख लेवन कश्यप अधिकारीले जानकारी दिएका छन्।

खुला पुरुषतर्फ दलीय गठबन्धनबाट खुलातर्फ कांग्रेसका गोपाल बस्नेत, एमालेबाट गुरु बराल र राप्रपाका अमर विष्ट बीच स्पर्धा छ।

त्यसैगरी अल्पसंख्यक वा अपांगतर्फ जसपाका हेमराज राई र एमालेका सोनाम ग्याल्जेन शेर्पाबीच स्पर्धा छ।