काठमाडौं – एनएमबि बैंकले चालु आर्थिक वर्षको दोस्रो त्रैमाससम्म रिपोर्ट सार्वजनिक गरेको छ । बैंकले दोस्रो त्रैमाससम्ममा १ अर्ब ७१ करोड १५ लाख १९ हजार रुपैयाँ मुनाफा गरेको .छ । जुन मुनाफा अधिल्लो वर्षको तुलनामा ६.०४ प्रतिशतले बढि हो ।

अघिल्लो वर्ष यसैअवधिमा यसले १ अर्ब ६१ करोड ३९ लाख ७३ हजार रुपैयाँ खुद नाफा कमाएको थियो । यसअवधिमा बैंकको वितरणयोग्य नाफा ८७ करोड ४१ लाख ६ हजार रुपैयाँ रहेको छ ।

बैंकको सञ्चालन नाफा ५.३८ प्रतिशतले बढेर २ अर्ब ४२ करोड २९ लाख ८७ हजार रुपैयाँ पुगेको छ । यता, खुद ब्याज आम्दानी भने ५.३७ प्रतिशतले घटेर २ अर्ब ७१ करोड ५५ लाख १६ हजार रुपैयाँमा सीमित भएको छ । पुस मसान्तसम्म आइपुग्दा प्रतिसेयर आम्दानी १८ रुपैयाँ ६४ पैसा छ ।

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ ।