सप्तरी – सप्तरी स्थित कोशी ब्यारेजको पुलमा एक यात्रुवाहक विङ्गरले एक मान्छेलाई बचाउन खोज्दा गाडी दुर्घटना भई सवार १० जना यात्रुहरु घाईते भएका छन् ।

पूर्वबाट पश्चिम तर्फ जाँदै गरेको को १ ज २७९५ नम्बरको विङ्गर अनियन्त्रित भई कोशी पूलमा ठोकिंदा विङ्गरमा सवार दश जना यात्री घाईते भएको हो । घाईते भएका दशजना मध्ये कंचनरुप नपा १, बैरवा घर भई राजविराजमा कोठा भाडा गरी बसेकी ३६ वर्षिय महिला शावित्री देवी यादव, शिकिस्त, हनुमाननगर कंकालिनी नपा १ बस्ने ५५ वर्षिय उपेन्द्र गुप्तालाई खुट्टा भाँचिएको र विहारको सूपौल जिल्लाको गणपतगंज बस्ने २३ बर्षिय विकास कुमार शर्माको हात भाँचिएको हुदाँ थप उपचारका लागि विराटनगर तर्फ पठाएको इलाका प्रहरी कार्यालयका प्रमुख प्र.ना.नि. चन्द्र प्रसाद यादवले जानकारी गराए ।

घाईते हुने अन्य सात जनाको अवस्था समान्य रहेकोले भारदह अस्पतालमा उपचार गराई आ–आफ्ना घर गईसकेको ईलाका प्रहरी कार्यालय भारदहले जानकारी गराए ।