काठमाडौं – मलेशियाका प्रधानमन्त्री मुहयिद्दीन यासीनले शपथ लिएको १८ महिनापछि बहुमत गुमाएसँगै पदबाट राजीनामा दिएका छन्। यससँगै उनी सबैभन्दा छोटो समय मलेशियाली प्रधानमन्त्री बनेका छन्।
मलेशियाका विज्ञान मन्त्री खैरी जमालुद्दीनले इन्स्टाग्राममा लेखेका छन्, ‘मुहियिद्दीन यासिनद्वारा राजमहल छोडेसँगै राजीनामा दिएका छन्।’ खेलकुद सहायक मन्त्री वान अहमद फैसल वान अहमद कमलले फेसबुकमा प्रधानमन्त्री यासिनलाई उनको सेवा र नेतृत्वका लागि धन्यवाद दिएका छन्।तर यासिनका राजीनामाले मलेशियामा एकाएक नयाँ राजनीतिक संकट उत्पन्न भएको छ। मलेशियाली नेताहरुबीच प्रधानमन्त्रीका लागी रस्साकसी सुरु भएको छ।
यासिनका सहयोगी इस्माइल सबरी प्रधानमन्त्री पद हासिल गरेर सरकार बचाउने प्रयासमा लागेका थिए।
अन्य नेताहरुपनि प्रधानमन्त्रीको दौडमा रहेका छन्।