काठमाडौं – प्रधानमन्त्री शेरबहादुर देउवालाई विश्वासको मत दिएका नेकपा एमालेका वरिष्ठ नेता माधवकुमार नेपालले आफू पक्षका सांसदहरुसँग छलफल गर्न भेला बोलाएका छन् । उनीहरुले अपराह्न ४ बजे बानेश्वरस्थित एक होटेलमा छलफल गर्न लागेका हुन् ।
गएको आइतबार प्रतिनिधिसभामा भएको मतदानमा एमालेका २२ सांसद्ले देउवाको पक्षमा मतदान गरेका थिए । यता एमाले अध्यक्ष केपी शर्मा ओलीले उनीहरुलाई स्पष्टीकरण माग गरेका छन् ।
तर, सांसदहरुले भने उक्त स्पष्टीकरणको जवाफ नदिने बताएका छन् । एमाले अध्यक्ष ओलीले पनि २४ घण्टाको समय बितिसक्दा समेत स्पष्टीकरणको विषयमा कुनै कदम चालेका छैनन् ।