एजेन्सी – भारतको मुम्बइमा अविरल वर्षासंगै आएको बाढीबाट घर भत्किँदा कम्तीमा २५ जनाको मृत्यु भएको छ।
ठूलो बाढी मुम्बइका बस्तीहरूमा पस्दा धेरै जनधनको क्षति गरेको भारतीय सञ्चार माध्यमहरुले जनाएका छन् । बाढीले रेल सेवालगायतका यातायातसमेत अवरुद्ध हुँदा हजाराँै मानिस अलपत्र परेका छन् । बाढीका कारण भत्किएको घरको पर्खालले मात्रै च्यापेर १७ जनाको मृत्यु भएको घटनास्थलमा पुगेका उद्धारकर्ताहरूले जानकारी दिएका छन् । अरूको अन्य ठाउँमा मृत्यु भएको हो।
मुम्बइको माहुल क्षेत्रमा स्थानीय समय अनुसार आइतबार दिउँसो १ बजे घटना भएको हो। घटनामा परी अरु सात जना घाइते समेत भएका छन् । उनीहरूको स्थानीय अस्पतालहरूमा उपचार भइरहेको छ ।