काठमाडौं– मनसुनी वायुको प्रभावका साथै देशको दक्षिणी भूभाग नजिक मनसुनी न्यूनचापीय रेखा रहेकाले देशका अधिकांश स्थानमा अहिले वर्षा भइरहेको छ ।

शक्रबार रातिबाट नै देशका अधिकांश भूभागमा सामान्य देखि पूर्ण बदली रहेको छ । अहिले प्रदेश नं १, प्रदेश नं २, बागमती प्रदेश, गण्डकी प्रदेश र लुम्बिनी प्रदेशका केहि स्थानहरुमा हल्का देखि मध्यम वर्षा भइरहेको छ । ती प्रदेशका केही स्थानमा भारी वर्षाको समेत सम्भावना रहेको मौसम पुर्वानुमान महाशाखाले जनाएको छ । ती प्रदेशहरुको पहाडी भू(भागमा बाढी तथा पहिरोको जोखिम रहेको महाशाखाले जनाएको छ ।

लगातारको वर्षाका कारण नदीनाला तथा खहरे खोलाहरुमा पानीको सतह बढ्न सक्ने तथा यातायात क्षेत्र प्रभावित हुन सक्ने भएकोले आवश्यक सतर्कता अपनाउन महाशाखाले आग्रह गरेको छ ।