ढल्केवर – धनुषामा रोकिराखेको तेल ट्याङ्करमा मोटरसाइकल ठोक्किँदा एक जनाको ज्यान गएको छ ।
पूर्वपश्चिम राजमार्ग अन्तर्गत धनुषाको धनुषाधाम नगरपालिका-९ धारापानीमा रोकिराखेको तेल ट्याङ्करमा मोटरसाइकल ठोक्किँदा एक जनाको मृत्यु भएको छ भने एकजना गम्भिर घाइते भएका छन् । बुधबार राति अन्दाजी ९ बजे पूर्वपश्चिम राजमार्ग अन्तर्गत जिल्लाको धनुषाधाम नगरपालिका वडा नम्बर ९ धारापानी आर्मी ब्यारेक अगाडि रोकिराखेको ना ४ ख ३४७४ नम्बरको तेल टंयाकरमा पश्चिमबाट पूर्वतर्फ आउँदै गरेको ज ८ प ३४६३ नम्बरको मोटरसाइकल ठोक्किएको थियो । ठक्करबाट मोटरसाइकल चालक धनुषाधाम नगरपालिका वडा नम्बर ६ हरिपुरका १७ बर्षिय राजेशकुमार यादवको मृत्युभएको र सोही मोटरसाइकलमा पछाडि सवार सोही ठाउँ बस्ने बर्ष १८ को इन्द्रजीत सहनी गम्भीर घाइते भएको इलाका प्रहरी कार्यालय ढल्केवरले जनाएको छ ।
चालक यादवको उपचारको क्रममा प्रादेशिक अस्पताल जनकपुरमा मृत्यु भएको छ । ठक्करबाट गम्भीर घाइते दुबैको धारापानीस्थित एक नीजि स्वास्थ्य उपचार केन्दमा्र उपचार सम्भव नभएपछि प्रादेशिक अस्पताल जनकपुर पठाइएको थियो ।