सप्तरी – सप्तरीमा जोर बिजोर प्रणाली उल्लंघन गरी चलाइएका १७२ वटा सवारी साधनलाई प्रहरीले सोमबार नियन्त्रणमा लिएको छ ।

जिल्ला प्रहरी कार्यालय सप्तरीका प्रवक्ता माधवप्रसाद काफ्लेका अनुसार जोर बिजोर प्रणाली उल्लंघन गरी चलाइएका १३ वटा चारचक्के र १५९ वटा मोटरसाइकललाई सप्तरीका विभिन्न स्थानबाट नियन्त्रणमा लिइएको हो ।

जिल्लामा कोरोना संक्रमण बढ्दो अवस्थामा रहेकाले नियन्त्रण तथा रोकथामका लागि जोर बिजोर प्रणालीमा सवारी साधन चलाउन भनिएपनि उल्लंघन गर्ने सवारी साधनलाई नियन्त्रणमा लिई सवारी धनीलाई जरिवाना गरिएको काफ्लेले बताए ।