विराटनगर – जंगली हात्तीले आक्रमण गर्दा मोरङको मिक्लाजुंग गाँउपालिकामा एक व्यक्तिको मृत्यु भएको छ।

इलाका प्रहरी कार्यालय उर्लाबारीका अनुसार सोमबार राति करिब १० बजे हात्तीको आक्रमणबाट गाँउपालिका ६ थामीझोडाका ४९ वर्षीय यामबहादुर बोहोराको मृत्यु भएको हो।

कार्यालयका प्रहरी निरीक्षक कुन्दन देवले बोल्न नसक्ने र कान सुन्नमा समस्या भएका बोहरा राती स्थानीय मनबहादुर बोहोराको घरमा पुगेर फर्कदै गर्दा हात्तीको आक्रमणमा परेको बताए।

उनका अनुसार श्रीमती सावित्रा कार्कीसँगै राती मगरको घरबाट टेलिभिजन हेरेर फर्कने क्रममा घटना भएको हो।

राती घर फर्कने क्रममा बाटोमा हात्ती देखिएपछि आफूले भागेर ज्यान जोगाएको कार्कीले इशाराले बताएको प्रहरी निरीक्षक देवले जानकारी दिए।

घटनापछि हात्तीलाई होहल्ला गर्दै धपाएको स्थानीयहरुले बताएका छन्।