सप्तरी – सप्तरीको तिलाठी कोइलाडी गाउँपालिका–५ आगलागी हुदा झन्डै ७५ लाख बराबरको धनमाल जलेर नष्ट भएको छ । आगलागीमा चार वटा घर जलेर खरानी बनेको छ भने आगोमा परेर एक जना गम्भीर घाइते समेत भएका छन् ।

स्थानीय हरिकिशुन खंंगको घरमा रहेको ग्यासकाे सिलिण्डर अचानक लिंक भएर आगलागी भएको स्थानीयबासिहरुले बताएका छन । साे आगलागीमा हरिकिशुनसहित रामचन्द्र खंग र नकछेदी खंगको चार घर जलेको वडा अध्यक्ष राजेन्द्र साहले बताएका छन ।उनका अनुसार आगोमा परेर हरिकिशुन गम्भीर घाइते भएका छन् । हरिकिशुनको उपचारको लागि तत्काल राजविराज स्थित गजेन्द्रनारायण सिह अचल अस्पताल पठाइएको वडा अध्यक्ष साहले जानकारि दिए । रातिको समयमा आगलागी हुँदा घरभित्र रहेको अन्नपात, लत्ताकपडा, गरगहनासहितका सवै सरसमान जलेको प्रहरीले जनाएको छ ।
प्रारम्भिक अनुमानअनुसार आगलागीमा झण्डै ७५ लाख भन्दा बढिकाे क्षति भएको वडा अध्यक्ष साहको भनाई छ ।

यता आगो राजविराज र हनुमाननगर नगरपालिकाबाट पुगेको वारुणयन्त्र, नेपाल र सशस्त्र प्रहरी तथा स्थानियवासिन्दाको सहयोगमा आगो नियन्त्रणमा आएको इलाका प्रहरी कार्यालय हनुमाननगरले जनाएको छ ।