नेकपा प्रचण्ड-माधव समूहले स्थायी कमिटी सदस्य योगेश भट्टराईलाई प्रेस संगठनको इन्चार्जको जिम्मेवारी दिएको छ । यसअघिका इन्चार्ज राजेन्द्र गौतम नेकपा ओली समूहमा लागेपछि रिक्त स्थानमा भट्टराईलाई जिम्मेवारी दिइएको हो ।

संगठनको सहइन्चार्जमा यसअघि विदेश विभाग उपप्रमुख रहेका विष्णु रिजाललाई थपिएको छ । महेश्वर दाहाल र ओम शर्मा यसअघिकै सहइन्चार्ज छन् ।
उक्त समूहले प्रेस संगठनको पदाधिकारी समेत टुंग्याएको छ । महेश्वर दाहाल संयोजक, सहसंयोजकमा विश्वमणि सुवेदी र विष्णुप्रसाद सापकोटा जुगल र महासचिव राजेश राई चयन भएका छन् ।यो समूहले प्रचण्ड र माधव नेपालका तर्फबाट ५०/५० प्रतिशतको अनुपातमा १९ सदस्यीय केन्द्रीय कार्यालय पनि बनाइको छ ।केन्द्रीय कार्यालयमा पूर्वएमालेबाट सइन्द्र राई, नरेन्द्र साउद, रामकुमार एलन, अमृतनाथ तिमल्सिना, शुरोजंग पाण्डे, हेमकर्ण विक र चमिना भट्टराई छन् ।

पूर्वमाओवादीबाट मनोज घर्तिमगर, देवराम यादव, कमल गिरी, विवेक गौतम, मौसम रोकामगर, सुरेशचन्द्र अधिकारी, गंगा बराल र ध्रुव बुढाथोकी रहेको बताइएको छ ।