जनकपुरधाम – महोत्तरीमा एउटा ट्याक्टरमा करेन्ट लाग्दा त्यसका चालकको मृत्यु भएको छ ।

औरही नगरपालिका वडा नम्बर ६ मा माटो अनलोड गर्ने क्रममा टेलरले विद्युतको तार छुँदा ट्याक्टरमा करेन्ट प्रवाह भएको हो । करेन्ट लागेर ज १ त ६३१७ नम्बरको ट्याक्टरका चालक स्थानीय २३ वर्षीय मुकेश यादवको मृत्यु भएको महोत्तरीका प्रहरी प्रवक्ता प्रकाश बिष्टले जानकारी दिए ।करेन्ट लागेर सिकिस्त भएका यादवलाई उपचारका लागि गौशालातर्फ लग्ने क्रममा बाटोमै मृत्यु भएको उनले बताए ।

मृतकको शवलाई परीक्षणका लागि जिल्ला अस्पताल जलेश्वर पठाइएको र यसबारे थप अनुसन्धान भइरहेको प्रहरीले जनाएको छ ।