काठमाडौँ– अमेरिकी पर्सिभियरन्स अन्तरिक्ष यान मंगल ग्रहमा सफल अवतरण गरेको छ ।यो यान पृथ्वीबाट उडेको करीब सात महिनामा मंगल ग्रहमा अवतरण गर्न सफल भएको हो ।नेपाली समयअनुसार शुक्रवार बिहान २ बजेर ४० मिनेटमा पर्सिभियरन्स रोभरले मंगल ग्रहमा अवतरण गरेको हो ।

यो परियोजना नासाको एक महत्वकांक्षी परियोजना हो । सफल अवतरण भएपछि नासाका अन्तरिक्ष निकायका वैज्ञानिकहरुले खुशी मनाएका थिए ।
रोभरले त्यहाँ पुगेर तस्वीर पनि पठाइसकेको छ । अब उक्त रोभरले आफ्नो ब्याट्री चार्च गर्नेछ र पुन आफ्नो काम थाल्नेछ । नासाका अनुसार उक्त रोभर कारजत्रो भएको र त्यसमा जीवावशेष अध्ययन गर्न आवश्यक पर्ने वैज्ञानिक उपकरण जोडिएको छ ।

उक्त यान सात महिनामा ४७ करोड किलोमिटर यात्रा पार गरेर मंगल ग्रहमा पुगेको हो ।