एक वर्षदेखि पुर्ण रुपमा सञ्चालनमा नआएको रसुवागढी नाका बाट हुने आयात–निर्यात पुन प्रभावित भएको छ । कोरोनाका कारण बन्द रहेको नाका पुर्ण रुपमा संञ्चालनमा आउन नपाई पुनः बन्द भएको छ ।

चिनियाँ भन्सारका श्रमीकहरु ल्होसार छुट्टीमा गएपछि रसुवागढी नाकाबाट हुने गरेको आयात निर्यात प्रभावित भएको हो ।विगत १ वर्षदेखि सीमित मात्रामा मात्रै आयात–निर्यात भइरहेको आयात पनि बिहीबारबाट बन्द भएको हो । ल्होसार मनाउन चिनियाँहरु आफ्नै घर फर्केका र उनीहरु आउन १० दिनजति समय लाग्ने चिनियाँ पक्षबाट जानकारी आएको रसुवागढी भन्सार कार्यालयका प्रमुखले बताएका छन्।

कोरोनाका कारण बन्द हुँदै खुल्नै गरेको रसुवागढी नाका गत कात्तिक १३ गतेदेखि एकतर्फी रुपमा सञ्चालनमा आएको थियो ।