सप्तरी – नेपाल कम्युनिष्ट पार्टी (नेकपा) सप्तरीले अाज २६ औं जनयुद्ध दिवस मनाएको छ । साे दिवसको अवसरमा राजविराज स्थित मदन नगर पार्टी कार्यालयमा कार्यक्रम आयोजना गरिएका छन् ।

गणतन्त्र र नयाँ जनवादीसत्ता स्थापनाको लक्ष्यसहित प्रचण्ड नेतृत्वको तत्कालीन माओवादीले २०५२ साल फागुन १ गतेदेखि सशस्त्र युद्ध सुरु गरेको थियो ।नेकपा सप्तरी अध्यक्ष अशोक कुमार मण्डल ‘अमर’ले, प्रधानमन्त्री केपी शर्मा ओली जनयुद्ध विभिन्न आनदोलनमा सहिद भएकाको बलिदानबाट बनेको संविधान र संघीय लोकतान्त्रिक गणतन्त्रलाई धराप पार्ने काम गरेको छ ।

पार्टी कार्यालयमा नेकपा सप्तरी अध्यक्ष ‘अमर’को अध्यक्षतामा २६ औं जनयुद्ध दिवसको अवसरमा आयोजित सभामा प्रदेश सदस्य महेश प्रसाद यादव,छेदी रजक,रुवी कर्ण,भागवत यादव लगायतले इतिहासका महान सहिदहरुको सपना साकार पार्न आफुहरु प्रतिवद्द रहेको वताउ । साे कार्यक्रमको सञ्चालन दिपेन्द्र माझीले गरेका थिए ।