बुटवल – रुपन्देहीको बुटवल उपमहानगरपालिका वडा नम्बर १२ तामनगरमा सोमबार बिहान भएको सडक दुर्घटनामा परी तीनजनाको मृत्यु भएको छ ।

दुर्घटनामा अन्य दुई जना गम्भीर घाइते भएको जिल्ला प्रहरी कार्यालय रुपन्देहीका डिएसपी नविन पौडेलले लोकान्तरलाई जानकारी दिए ।

दुर्घटनामा परी बुटवल ११ का २८ वर्षिया सविन थारु, बुटवल ११ कै २७ वर्षका गोविन्द चौधरी र बुटवल १२ का नविन श्रेष्ठ रहेका छन् ।

त्यस्तै दुर्घटनामा बुटवल १२ का भागिरथ चौधरी र अनिश जिसी घाइते भएका छन् ।

पश्चिमदेखि पुर्व दिसामा रोकिरहेको २ ख ९७७२ नम्बरको ट्रकसँग लु ३ च ४४४२ नम्बरको कार ठोक्किएको थियो । ट्रक चालक फरार रहेका छन् । घटना सम्बन्धी थप अनुसन्धान भइरहेको प्रहरीले जनाएको छ ।